Acerca de nós
A BUMM é unha agrupación musical na que se involucran nenos , xóvenes e adultos na educación e a práctica musical e busca ser unha escola de vida na que se insiste e se consegue a integración social e o desenrolo persoal, favorecendo destrezas persoais e actitudes positivas ante a vida e o seu entorno social, ensinando que o esforzo e a perseverancia son necesarios para conseguir calquer meta que se propoñan.
Director
DIEGO JAVIER LORENTE LÓPEZ
Comeza os seus estudos musicais na Unión Musical de Torre Pacheco en Murcia, na especialidade de clarinete cos profesores Vicente Abad Herraiz e Antonio Tur Mari. Continua no conservatorio Manuel Masotti (Murcia) cos profesores Juan Esteban Romero e José Miguel Rodilla e, posteriormente, cursa os seus estudos superiores na Escola Superior de Música de Barcelona (ESMUC) cos profesores Josep Fuster, Joan Enric Lluna e Lorenzo Copola.
Paralelamente, perfeccionou os seus estudos clarinetísticos con mestres como Enrique Pérez Piquer, José Luis Estelles, Nicolas Cox, Jesús Carrasco, Yehuda Gilard, Joi Jowit ou Guy Deplus entre outros.
Como intérprete foi membro da orquestra do Conservatorio Superior de Música de Murcia, Orquestra de jóvenes de Murcia (2000-2002), European Union Youth Wind Orchestra (2003), NJO (2004), World of Winds Symphony Wind Orchestra (2005). Con estas formacións realizou concertos en Francia, Suiza, Suecia, Luxemburgo, Dinamarca, Holanda, Noruega, Austria, Alemania e China. Destacando os realizados no Concergebaw de Ámsterdam, Palacio imperial de Pekín e a Musikhouse de Berlín. Con estas formacións traballou cos directores Joaquín Palomares, Lin Tao, César Álvarez, Enrique García Asensio, Ernest Martínez, F. Heremberger, Jan Cober, Eniente Siebens, Pier Gao, Salvador Brotons, Thomas Adés e Chirstian Lindberg.
Colaborou coa Orquestra Cidade de Barcelona, Orquestra Sinfónica do Vallés, Orquestra do Principado de Asturias, Banda Municipal de Barcelona e Banda Municipal de Santiago de Compostela.
No campo da dirección asistiu a clases cos mestres Salvador Brotons, Xavier Puig, Josep Vicent Egea, José Pascual Rafael Vilaplana, Jan Van der Roost, Eugene Corporon, Doglas Boustock e Bert Appermont. Ademais, entre os anos 2007 e 2009, estuda dirección cos mestres Jan Cober e Felix Hauswich, análise con Carlo Pirola e repentización e educación auditiva con Caracristi no Instituto Superior Europeo Bandístico (ISEB) de Trento (Italia).
Foi convidado a dirixir a Banda Xuvenil de Xinzo (Ponteareas), Unión Musical de Torre Pacheco, Banda de Música de Pontevedra, a Rundfunk Blasorchester de Leipzig (Alemania) na graduación do ISEB e a banda do Conservatorio Musikene na tempada 2021.
Como director realizou estreas absolutas de La Batalla de Rande (2007) de Juan Gonzalo Gomez Deval, O Monte Tegra (2008) de Juan Lois Dieguez e Mirabel (2010) de Josep Vicent Egea.
Foi director titular da Banda Unió musical de Bages (Manresa) entre os anos 2004 e 2006 e da Agrupación musical do Rosal, xunto coa súa escola de música (Pontevedra) entre 2006 e 2012 coa que obtivo diversos premios.
No 2013 foi elixido director titular da Unión Musical de Meaño e profesor de clarinete e banda da Escola de Música de Meaño, desenvolvendo a súa actividade ata a actualidade. Entre o diverso labor que realizou en Meaño, destaca a realización no 2016 do traballo discográfico Hispania coa BUMM e a obtención do 1º premio e o Flicorno d’Oro no Concorso Bandistico Internazionale de Riva del Garda (Italia) en abril de 2019.
HISTORIA DA BUMM
BANDA DE XIL
Cara o ano 1830, na parroquia de Xil, municipio de Meaño e baixo a dirección de Dº Benito Barreiro naceu unha pequena agrupación musical formada por cinco dos seus fillos e varios veciños da parroquia. Así naceu a banda coñecida como a “Banda de Xil”. Esta agrupación foise sucedendo de país a fillos ata 1890 , cando se consolidou como “Banda de Música de Meaño”,debido a que a meirande parte dos seus integrantes residían na capital do concello. Nace, así, a historia dunha das bandas máis antigas de Galicia.
José García Quinteiro (Director da banda de Xil 1931)
BANDA DE MÚSICA DE MEAÑO
Os seguintes 70 anos na historia da BUMM foron unha época de inestabilidade, pola que pasaron diferentes directores pola banda. Entre o 1936 e o 1940 a banda permaneceu completamente inactiva, a excepción de 5 ou 6 músicos que, dada a súa idade, quedaron exentos de ir á guerra. Non foi ata o ano 1941, que a banda volveu reaxustarse e o seu número ascendeu a 28 músicos, aínda que na guerra se perderan varios dos seus compoñentes: Benito Padín, Basilio Álvarez, Julio Barbeito, Augusto Iglesia entre outros.
Durante esta etapa da súa historia, posterior á Guerra Civil, a Banda de Meaño apenas actuou fóra da súa comarca. No ano 1947, participou no certame de Pontevedra celebrado polas festas da Peregrina, competindo con outras dúas bandas: Lantaño, a mellor banda de toda a provincia naquel momento e Arcade. Como anécdota, cabe mencionar que o veredicto do certame foi totalmente inesperado, xa que ningunha das bandas levou o premio.
Nos seguintes anos, a banda foi aumentando en número e en 1958 xa contaba cunha cifra de 42 músicos. Non obstante, debido á crise económica do momento, as contas da agrupación comezan a ir cada vez peor. Esta situación, xunto co éxodo de emigrantes meañeses a América e a preferencia dos músicos por traballos mellor asalariados, como as orquestras, provocou que se desfixese a banda. Comeza así unha paréntese de inactividade na historia da banda que perdurou máis de 20 anos.
Banda de Música de Meaño (1958)
REFUNDACIÓN
A historia da banda vólvese a escribir coa refundación que chegou o ano 1980 e, por iniciativa do alcalde, Germán Rodiño, créase a Escola de Música Municipal de Meaño co obxectivo de refacer de novo a banda no concello. Esta nova banda fixo a súa primeira actuación o 25 de agosto de 1985, baixo a batuta de Manuel Lores Besada, antigo trompetista da banda primitiva. No ano 1990 créase unha directiva para a agrupación, presidida por Manuel Varela Budelo, co obxectivo de potenciar a banda e a escola de música para mellorar a formación dos músicos.
O último domingo de abril de 1992 celebrouse o I Festival de Bandas de Música de Meaño. Tratábase dunha idea innovadora que foi imitada por toda a xeografía galega e que, a día de hoxe, se considera un dos festivais de bandas máis importantes de Galicia. Na súa orixe tratouse dunha homenaxe aos músicos da banda primitiva, pero a idea gustou tanto que se converteu nun festival celebrado, a partir daquel momento, todos os anos, converténdose nunha importante tradición.
Durante a década dos 90, a Unión Musical participou en numerosos certames e festivais por toda Galicia e tamén en Portugal. Un exemplo foi a participación no II Certame Galego de Bandas de Música Populares no 1996. Nesta época, foron varios os directores que pasaron pola banda, D. Remigio Santacruz Pérez, D. Vicente Masmano Ortiz e D. Esteban Valverde, ata a chegada do director F. Javier Morgade Dobaño no ano 1999. Cabe destacar dentro da etapa do director Esteban Valverde a grabación do primeiro casete realizada o 25 de marzo de 1997 na Igrexa de San Miguel de Lores. Neste mesmo ano, a banda tamén recibiu a Mención de Honra na II Edición dos Premios TeleSalnés polo seu traballo e dedicación o longo de todo ese ano.
Banda de Música de Meaño
(Certame Galego de Bandas de Música 2016)
Valores
Estes son algúns valores fundamentais para a nosa agrupación.
Contacto
Email:
unionmusicaldemeano@gmail.com
Teléfono:
675 580 947