BASES
A Asociación Cultural Unión Musical de Meaño organiza o XV concurso do cartel para anunciar o XXX Festival de Bandas de Música, que se celebrará o sábado 23 de abril 2022.
1) Poderán tomar parte neste concurso todas aquelas persoas que o desexen sen límite de idade.
2) Cada participante poderá presentar un máximo de dous traballos.
3) Todos os traballos presentados deberán versar sobre a música, e o que representa para Meaño o Festival de Bandas. Valoraranse positivamente a creatividade e a orixinalidade, debendo suxeitarse en sensibilidade e técnica ao que é propio do cartel e non da pintura, e contar cunha clara finalidade divulgadora.
Ademais, deberán incluír de maneira visible os seguintes textos:
- XXX Festival de Bandas de Música
- Meaño 2022
4) Os carteis serán sempre inéditos e orixinais, ao menor indicio de plaxio total ou parcial as obras serán descualificadas. A presentación dos carteis poderá ser das seguintes formas:
- SOPORTE RÍXIDO: os carteis realizados con técnicas pictóricas (óleo, acuarela, pastel, etc…) deberán vir montados en soporte ríxido (bastidor ou cartón pluma). Así mesmo presentarase tamén unha copia dixital do cartel a toda cor en alta resolución nun disco CD ou memoria USB.
- SOPORTE DIXITAL: no caso de tratarse dunha técnica como a fotografía, informática, etc. as obras deberán ser presentados en soporte dixital, gravados en alta resolución nun CD en formato editable a PDF e noutro formato editable a JPG, ambos escalables a tamaño A3, ou Súper A3 para a súa reprodución impresa. A Asociación Unión Musical farase cargo dos gastos de impresión do cartel.
En canto ao uso de fotografías ou elementos escaneados reais, non serán aceptadas aquelas que, por representar a persoas, animais ou cousas, sexan susceptibles de ser impugnadas ou reclamados os seus dereitos de utilización, por persoas e institucións que poidan acreditar a súa propiedade, sendo o autor o responsable único ante calquera incidencia que por estes motivos se puidese producir.
5) Presentación dos traballos:
- Si se trata dunha obra presentada en soporte ríxido, os traballos presentaranse con un lema, que deberá figurar no dorso da obra sen ningún outro dato.
- Si se empregou a técnica de fotografía, informática, etc, presentase o CD etiquetado co lema elixido.
- En calquera dos casos ademais presentarase un sobre pechado, contendo un documento cos datos de indentidade do autor, ou autores en caso de obra colectiva, indicando nome, apelidos e nº de DNI; e os datos de contacto e notificación indicando domicilio, teléfono, e enderezo electrónico. Ademais conterá a declaración cumprimentada e asinada á que se refire a Base 11ª, (unha copia do modelo adxunto por cada autor). No exterior deste sobre figurará o correspondente lema, sen ningún outro texto, marca ou contrasinal (todo elo para preservar e manter oculta a identidade do autor ou autores ata o momento de apertura de sobres)
6) O lugar de presentación das propostas será nas oficinas municipais do Ilmo. Concello de Meaño. O prazo de presentación remata o luns 7 de marzo de 2022.
7) Cos traballo admitidos celebrarase unha exposición no Hotel-Restaurante “Quinta de San Amaro” (Rúa San Amaro, nº6, Meaño, Pontevedra) dende o sábado 12 de marzo, ata o domingo 27 de marzo de 2022.
8) Os visitantes da exposición poderán votar e valorar os traballos expostos no prazo mencionado, estas votacións teranse en conta á hora da valoración por parte do xurado.
Todos os participantes nesta votación entrarán no sorteo dunha botella de viño e un aperitivo para catro persoas en dito restaurante.
9) O xurado estará composto pola Presidenta da Asociación e tres vogais da mesma designados pola Xunta Directiva da Banda, un representante do Concello, un representante do Hotel-Restaurante Quinta de San Amaro e o voto do público. No caso de empate o voto do público valerá dobre. Actuará como secretario, con voz pero sen voto, outro representante do Concello de Meaño.
10) Outorgaranse os seguintes premios:
- 1º PREMIO: Cheque ao portador de 400 €, ademais dunha cea para 2 persoas con aloxamento e pequeno almorzo, no Hotel Restaurante “Quinta de San Amaro”.
- 2º PREMIO: aloxamento e pequeno almorzo para dúas persoas no Hotel Restaurante “Quinta de San Amaro”.
- 3º PREMIO: un aperitivo para catro persoas acompañado dunha botella de viño no Hotel Restaurante “Quinta de San Amaro”.
- O xurado poderá declarar deserto calquera dos premios ao seu exclusivo criterio.
11) A entrega de premios terá lugar o día da presentación do XXX Festival de Bandas de Música no mecionado Hotel-Restaurante, sendo difundido polos medios de comunicación presentes. O día e data será comunicado con antelación aos premiados, que terán que asistir obrigatoriamente ao acto para recibir o seu agasallo.
12) Os carteis que obteñan premio quedarán en propiedade da Asociación, quen fará deles o uso que estime conveniente, reservándose o dereito a reproducilo, no futuro, en calquera soporte e tamaño.
A tal fin, os autores presentarán no sobre pechado xunto coa obra a declaración no modelo ANEXO debidamente cuberta e asinada. As obras que non acheguen esta declaración debidamente cumprimentada e asinada en caso de ser gañadoras será automaticamente descualificadas.
13) Os carteis non premiados serán retirados polos autores ou persoas debidamente autorizadas, no prazo de 30 días a contar desde o día seguinte ó peche da exposición, transcorridos os cales entenderase que o autor cede á Asociación Unión Musical de Meaño a súa propiedade, podendo esta darlle o destino que crea conveniente. A Asociación Unión Musical de Meaño non se responsabiliza das embalaxes e custos que conleve a retirada dos carteis.
14) A Asociación Unión Musical de Meaño non será responsable por causa algunha da perda, deterioro, extravío, etc. das obras presentadas a concurso durante o seu prazo de duración, non cubríndose póliza de seguro que cubra os devanditos riscos.
15) Será responsabilidade dos cartelistas calquera reclamación que poida producirse en relación coa autoría do cartel e o seu posible plaxio, eximindo de toda responsabilidade á Asociación Unión Musical de Meaño.
16) O fallo do xurado terá carácter inapelable.
17) A presentación de traballos neste concurso implica a total aceptación destas bases.
Meaño, a 8 de febreiro de 2022
